YSRCP RajyaSabha: హమ్మయ్య.. వారిద్దరూ చెప్పేశారు

వైసీపీకి, ఆ పార్టీ రాజ్యసభ సభ్యత్వాలకు మోపిదేవి వెంకటరమణ, బీద మస్తాన్ రావు రాజీనామా చేశారు. దీంతో పలువురు నేతలు కూడా రాజీనామా చేయబోతున్నారనే ప్రచారం జరుగుతూ ఉంది. తెలంగాణకు చెందిన బీసీ సంఘం నేత ఆర్.కృష్ణయ్య కూడా వైసీపీ రాజ్యసభ సభ్యుడిగా ఉన్నారు. ఆర్ కృష్ణయ్య తాజా పరిణామాలపై స్పందించారు. పదవులు, ఆర్థిక అవసరాల కోసమే కొందరు వైసీపీని వీడుతున్నారని, వాళ్ల మాదిరి తాను పార్టీ మారే ప్రసక్తే లేదన్నారు. జగన్ తనను గౌరవించారని అందుకే తొలి నుంచి ఆయనకు మద్దతుగా ఉన్నానన్నారు. బీసీల కోసం కొట్లాడమనే ఆయన తనను రాజ్యసభకు పంపించారని చెప్పారు.