Andhra Pradesh : ఏపీ వాసులకు మరో గుడ్ న్యూస్ రెడీ

ఆంధ్రప్రదేశ్ ప్రజలకు మరో గుడ్ న్యూస్ త్వరలోనే అందనుంది. విశాఖ రైల్వే జోన్ ఏర్పాటుకు అంతా సిద్ధమయింది. కేంద్ర ప్రభుత్వం కూడా అందుకు సంబంధించిన ఫైలును సిద్ధం చేసింది. విశాఖ కేంద్రంగా దక్షిణ కోస్తా రైల్వే జోన్ ఏర్పాటు చేయాలని కేంద్ర ప్రభుత్వం నిర్ణయించింది. ఇటీవల చంద్రబాబు ఢిల్లీ పర్యటనకు వెళ్లినప్పుడు ప్రధానితో ఈ విషయంపై ప్రత్యేకంగా చర్చించారని చెబుతున్నారు. విభజన హామీల అమలులో భాగంగా విశాఖ కేంద్రంగా రైల్వే జోన్ ఏర్పాటు చేయాలి. అయితే గత వైసీపీ ప్రభుత్వం తమకు స్థలం అప్పగించకపోవడంతో రైల్వే జోన్ ఏర్పాటు ఆలస్యమయిందని రైల్వే శాఖమంత్రి అశ్వినీ వైష్ణవ్ తెలిపారు. కానీ తాము స్థలాన్ని అప్పగించామని వైసీపీ నేతలు చెబుతున్నారు.