Pawan Kalyan : గోల్ లేకపోతే ఎలా? ఎప్పటికీ ఇంతేనా? పవన్ పై పాజిటివిటీ పోయిందా?

రాజకీయ పార్టీ పెట్టినప్పుడు ఒక గోల్ అనేది ఉండాలి కదా? అని నెట్టింట కొందరు నేరుగా ప్రశ్నిస్తున్నారు. గోల్ లేనప్పుడు రాజకీయాలు చేయడం దేనికి? ఒక వర్గం ఓటు బ్యాంకును తీసుకెళ్లి మరొక పార్టీని అధికారంలోకి తీసుకు రావడం ఎందుకన్న భావన మొదలయినట్లు కనపడుతుంది. పవన్ కల్యాణ్ కు 2014 నుంచి పాజిటివ్ వేవ్ తో పాలిటిక్స్ లో వచ్చారు. ఆయనకు అన్ని వర్గాల నుంచి మద్దతు లభించింది. ప్రధానంగా కాపు సామాజికవర్గం నేతలతో పాటు యువకులు, ఆయనకున్న ఇమేజ్, అభిమానులు కూడా కలసి ఆయన మీద మాట పడనిచ్చే వారు కాదు. పవన్ ను ఒక్క మాటంటే వెంటనే విమర్శలతో తిప్పికొట్టేవారు. అలా పవన్ పై ఏ మాట పడకుండా చూసుకున్నారు.

కానీ 2024లో అధికారంలోకి వచ్చిన తర్వాత కొంత మార్పు వచ్చింది. రెండేళ్ల తర్వాత చూస్తే మరింత ఎక్కువగా కనిపిస్తుంది. పవన్ పై పాజిటివిటీ పోయిందని అనుకోవాల్సి ఉంటుంది. పవన్ కల్యాణ్ అంటే ఆగ్రహం.. కోపం లేదు కానీ నిర్లిప్తత అయితే కనిపిస్తుంది. కూటమి ప్రభుత్వంలో ఉండి కూడా ఏం మాట్లాడలేకపోతున్నారనే భావన ఎక్కువ మందిలో కనిపిస్తుంది. కనీసం కాపు రిజర్వేషన్ల అమలుపై మాట్లాడకపోవడం, కాపు కార్పొరేషన్ కు నిధుల కేటాయింపుపై పెదవి విప్పకపోవడం వంటివి ఆయనపై వ్యతిరేకత నెమ్మదిగా మొదలవుతుందని చెప్పాలి. ఇందుకు సోషల్ మీడియాలో అదే సామాజికవర్గం నేతలు, విశ్లేషకులు, కార్యకర్తల అభిప్రాయాన్ని చూసైనా పవన్ కొంత తీరు మార్చుకుంటే వచ్చే ఎన్నికల్లోకూడా హండ్రెడ్ పర్సెంట్ స్ట్రయిక్ రేట్ తో జనసేనను తీసుకెళ్లవచ్చు. లేకుంటే మాత్రం ఇబ్బందులు తప్పవన్న సంకేతాలు మాత్రం బలంగా కనిపిస్తున్నాయి.