Pawan Kalyan : తిరుమలలో లడ్డూ కల్తీకి వారే బాధ్యులు

సీబీఐ సిట్ నివేదికలో లడ్డూ తయారీలో ఒక్క లీటర్ కూడా పాలు వినియోగించలేదని చెప్పిందన్నారు. ఈ కేసులో 36 మంది నిందితులుగా చేర్చిందని పవన్ కల్యాణ్ అన్నారు. ఒక ప్రణాళిక ప్రకారం తనకు నచ్చిన కంపెనీలకు టెండర్లు కట్టబెట్టడానికి నిబంధనలను మార్చారని ఉప ముఖ్యమంత్రి పవన్ కల్యాణ్ తెలిపారు. కనీస అర్హతలు లేని సంస్థలకు నెయ్యి సరఫరా చేసే సామర్థ్యం లేదని తెలిపారు. 48 కోట్ల లడ్డూల విక్రయాలు జరగగా, పందకొండు కోట్ల మందికి నాసిరకం లడ్డూల పంపిణీ జరిగిందని పవన్ కల్యాణ్ అన్నారు. అయోధ్యకు పంపిన లడ్డూల్లో కూడా కల్తీ జరిగిందని చెప్పారు. టీటీడీ పాలక మండలి దీనికి బాధ్యత వహించాల్సి వస్తుందని పవన్ కల్యాణ్ అన్నారు. చట్ట ప్రకారం దోషులను శిక్షించాల్సిందేనని పవన్ కల్యాణ్ అన్నారు.