Chandrababu : మహానాడు సందర్భంగా చంద్రబాబు ట్వీట్ ఏంటంటే?

మహానాడు సందర్భంగా కార్యకర్తలకు పార్టీ అధినేత చంద్రబాబు శుభాకాంక్షలు తెలిపారు. ఉత్తుంగ తరంగంలా ఎగసిపడే ఉత్సాహం తెలుగుదేశం కార్యకర్తల సొంతమన్న ఆయన ఉరకలేసే యువత తెలుగుదేశం ఆస్తి.. తరతరాల తెలుగు ఖ్యాతిని జగద్విదితం చేయడం తెలుగుదేశం పవిత్ర కర్తవ్యమని అన్నారు.ప్రపంచ దేశాల్లో తెలుగు వారు ఎక్కడ ఉన్నా ఆ దేశానికే తలమానికంగా మారాలనేది మన సంకల్పం.. అందుకే మనం నిరంతరం శ్రమిస్తున్నామన్న చంద్రబాబు తెలుగుదేశం పరీక్షల్ని ఎదుర్కొన్న ప్రతిసారీ విజేతగానే నిలిచింది.. గడచిన ఎన్నికల్లో తెలుగుదేశం పార్టీ విశ్వరూప సందర్శనం చరిత్రలో నిలిచిపోతుందన్నారు.