నీ పెతాపం దమ్ముంటే నామీద చూపించు

ముగ్గురిని అరెస్ట్ చేసి పోలీస్ స్టేషన్ కు తీసుకెళ్లకుండా హైవే పైన తిప్పుతూ మానసికంగా వేధించారన్నారు. సాయంత్రం ఆరు గంటల నుంచి 11 గంటల వరకూ అనేక పోలీస్ స్టేషన్లకు తిప్పుతూ భయాందోళనలకు గురి చేశారని కోటంరెడ్డి శ్రీధర్ రెడ్డి ఆరోపించారు. వేధింపులకు తన వెనక నడిచే నేతలు, కార్యకర్తలు ఎవరూ లెక్క చేయరని, చివరకు తన డ్రైవర్లు కూడా పట్టించుకోరన్నారు. ఇలాంటివి వీఆర్ కళాశాలలో చూశానని, తనకు కొత్త కాదని కోటంరెడ్డి అన్నారు. తనను కూడా అరెస్ట్ చేయవచ్చని, తాను నియోజవర్గంలోనే ఉంటానని, ఇలాంటి బెదిరింపులకు తాము భయపడేది లేదన్నారు కోటంరెడ్డి. దమ్ముంటే ప్రతాపం తన మీద చూపించాలని, తన అనుచరుల మీద కాదని సవాల్ విసిరారు