Narendra Modi : బాబు, పవన్ జోడీతో ఏపీ దూసుకెళుతుంది

చంద్రబాబు, పవన్ కల్యాణ్ నేతృత్వంలో ఆంధ్రప్రదేశ్ మరింత అభివృద్ధి జరుగుతుందని ప్రధాని నరేంద్ర మోదీ అన్నారు. కర్నూలులో జరిగిన బహిరంగ సభలో ఆయన ప్రసంగించారు. శ్రీశైలం మల్లికార్జునస్వామి దర్శించుకోవడం తన పూర్వజన్మ సుకృతంగా భావిస్తున్నానని అన్నారు. ద్వాదశ జ్యోతిర్లాంగాల్లో రెండోది అయిన శ్రీశైల మల్లికార్జునుడిని నేడు దర్శించుకున్నానని తెలిపారు. ఆంధ్రప్రదేశ్ ఆత్మగౌరవానికి, సంస్కృతికి నిదర్శనమన్నారు. చంద్రబాబు, పవన్ కల్యాణ్ నాయకత్వంలో ఆంధ్రప్రదేశ్ అభివృద్ధి సాధ్యమవుతుందని, కేంద్ర ప్రభుత్వం నుంచి పూర్తి సహకారం అందిస్తామని ప్రధాని నరేంద్ర మోదీ చెప్పారు. డబుల్ ఇంజిన్ సర్కార్ తోనే అభివృద్ధి సాధ్యమని ప్రధాని అన్నారు. గత పదహారు నెలల్లో ఏపీలో అభివృద్ధి శరవేగంతో ముందుకు సాగుతున్నాయని అన్నారు.