టీచర్ ఎమ్మెల్సీ స్థానం వైసీపీదే

కడప - అనంతపురం - కర్నూలు జిల్లాల ఉపాధ్యాయ ఎమ్మెల్సీగా వైసీపీ బలపర్చిన ఎం.వి.రామచంద్రారెడ్డి విజయం సాధించారు. ఒంటేరు శ్రీనివాసులరెడ్డిపై 169 ఓట్ల తేడాతో ఎం.వి.రామచంద్రారెడ్డి గెలిచారని అధికారులు ప్రకటించారు. కడప - అనంతపురం - కర్నూలు జిల్లాల ఉపాధ్యాయ ఎమ్మెల్సీగా ఎం.వి.రామచంద్రారెడ్డి విజయం సాధించారని జాయింట్ కలెక్టర్ తెలిపారు. అనంతపురం నగరంలోని జేఎన్టీయూ కళాశాలలో ఎమ్మెల్సీ ఎన్నికల కౌంటింగ్ లో భాగంగా గురువారం ఉదయం ఎనిమిది గంటల నుంచి ఓట్ల లెక్కింపు చేపట్టారు. శుక్రవారం తెల్లవారుజాము వరకూ సాగిన కౌంటింగ్ లో చివరకు రామచంద్రారెడ్డినే విజయం వరించింది.