ఇప్పుడూ చెబుతున్నా.. విశాఖలో నాకు ఒకే ఫ్లాట్ ఉంది

తన అల్లుడికి చెందిన ఆస్తులు తనవి ఎలా అవుతాయని విజయసాయిరెడ్డి ప్రశ్నించారు. ఉత్తరాంధ్రకు ద్రోహం చేసే కుట్రలు కొనసాగుతున్నాయని ఆయన అన్నారు. దసపల్లా భూముల విషయంలో అసత్యాలను ప్రచారం చేస్తున్నారని విజయసాయిరెడ్డి ఆరోపించారు. సుప్రీంకోర్టు కూడా ఈ భూములు ప్రయివేటు వ్యక్తులకు చెందినవేనని చెప్పిన విషయాన్ని గుర్తు చేశారు. సుప్రీంకోర్టు ఆదేశాలనే ప్రభుత్వం అమలు చేసిందన్నారు. ప్రభుత్వం చర్యలతో 400 కుటుంబాలు లబ్ది పొందాయని అన్నారు. అక్కడ ఇళ్లు కట్టుకుని ఉన్నవారికి ప్రయోజనం చేకూరిందని తెలిపారు. 64 మంది ప్లాట్ల ఓనర్లలో 54 మంది ఒక సామాజికవర్గానికి చెందిన వారని, చంద్రబాబు బంధువులేనని విజయసాయిరెడ్డి తెలిపారు. ఉత్తరాంధ్రలో కాపులు, యాదవ, వెలమలు ఎక్కువగా ఉన్నారని, కానీ బడా బాబులంతా చంద్రబాబు సామాజికవర్గానికి చెందిన వారేనని ఆయన తెలిపారు. వైఎస్సార్ కాంగ్రెస్ పార్టీపై బురద జల్లే కార్యక్రమం చేపడుతున్నారన్నారు.