Montha Cyclone : "మొంథా" తీవ్రత మొదలయింది.. ఒక్కసారిగా వాతావరణం

తుఫాను ప్రభావంతో అక్టోబర్ 28వ తేదీ నుంచి 30వ తేదీ వరకు కోస్తా ఆంధ్ర, రాయలసీమ ప్రాంతాల్లో తేలికపాటి నుండి మోస్తరు వర్షాలు కురిసే అవకాశం ఉంది. అక్టోబర్ 28న శ్రీకాకుళం, విజయనగరం, పార్వతీపురం మన్యం, విశాఖపట్నం, అల్లూరి సీతారామరాజు, అనకాపల్లి, కాకినాడ, తూర్పు గోదావరి, డాక్టర్ అంబేద్కర్ కోనసీమ, పశ్చిమ గోదావరి, ఏలూరు, ఎన్టీఆర్, కృష్ణా, గుంటూరు, బాపట్ల, పల్నాడు, ప్రకాశం, నెల్లూరు మరియు తిరుపతి జిల్లాల్లో ఒకటి లేదా రెండు చోట్ల అత్యంత భారీ వర్షపాతం నమోదయ్యే అవకాశం ఉంది.

భారీ నుండి అతి భారీ వర్షాలు పడతాయని హెచ్చరికలు జారీ చేసింది. ఈరోజు నంద్యాల, వైఎస్ఆర్ కడప, అన్నమయ్య జిల్లాల్లోనూ రేపు అల్లూరి సీతారామరాజు విశాఖపట్నం, అనకాపల్లి, కాకినాడ, తూర్పు గోదావరి, కోనసీమ, బాపట్ల, పల్నాడు మరియు ప్రకాశం జిల్లాల్లో భారీ వర్షాలు పడతాయని చెప్పింది. తీరం వెంట గంటకు 60-70 కి.మీ. వేగంతో గాలులు వీస్తుండగా, ఈ రోజు సాయంత్రం నుంచి అక్టోబర్ 29 తెల్లవారుజాము వరకు 90 నుంచి100 కిలోమీటర్ల వేగంతో గాలులు వీచే అవకాశం ఉంది. అక్టోబర్ 29 మధ్యాహ్నం నాటికి ఈ వేగం క్రమంగా తగ్గుతుందని అంచనా వేస్తున్నారు. ఆంధ్రప్రదేశ్ తీరంలో సముద్రంలోకి వేటకు వెళ్లవద్దని సూచించారు. విశాఖపట్నం, మచిలీపట్నం, కృష్ణపట్నం, నిజాంపట్నం ఓడరేవుల్లో మొదటి ప్రమాద హెచ్చరిక జారీ చేశారు. గంగవరం, కాకినాడ ఓడరేవుల్లోనూ ప్రమాద హెచ్చరిక జారీ చేశారు.