Rain Alert : మరో బాంబు పేల్చిన వాతావరణ శాఖ.. వానలు ఇక్కడే

ఉపరితల ద్రోణి ప్రభావం కారణంగా ఆంధ్రప్రదేశ్ లో నేడు కూడా వానలు పడతాయని హైదరాబాద్ వాతావరణ శాఖ తెలిపింది. కృష్ణా, ప్రకాశం,నెల్లూరు, అనంతపురం, శ్రీసత్యసాయి, కడప,అన్నమయ్య,చిత్తూరు, తిరుపతి జిల్లాల్లో అక్కడక్కడ పిడుగులతో కూడిన తేలికపాటి నుంచి మోస్తరు వర్షాలు, మిగతా జిల్లాల్లో అక్కడక్కడ పిడుగులతో కూడిన తేలికపాటి వర్షాలు కురిసే అవకాశం ఉందని వెల్లడించారు. అకస్మాత్తుగా ఉరుములు, మెరుపులతో కూడిన వర్షాలు కురిసేప్పుడు చెట్ల కింద నిలబడరాదని సూచించారు.

తెలంగాణలో భిన్నమైన పరిస్థితులు నెలకొంటాయని హైదరాబాద్ వాతావరణ శాఖ వెల్లడించింది. పగలు ఉష్ణోగ్రతలు, సాయంత్రానికి తేలికపాటి జల్లులు కురుస్తాయని చెప్పింది. కొన్ని జిల్లాల్లో మోస్తరు వానలు పడతాయని హైదరాబాద్ వాతావరణ శాఖ తెలిపింది. కొన్ని ప్రాంతాల్లో బలమైన ఈదురుగాలులు వీస్తాయని కూడా చెప్పింది. సిద్ధిపేట, రాజన్న సిరిసిల్ల, పెద్దపల్లి, నారాయణపేట, ములుగు, మెదక్, మంచిర్యాల, మహబూబ్ నగర్, మహబూబాబాద్, మేడ్చల్ మల్కాజ్ గిరి, హైదరాబాద్,, ఖమ్మం, జగిత్యాల, జయశంకర్ భూపాలపల్లి, వికారాబాద్, సూర్యాపేట, రంగారెడ్డి, నల్లగొండ జిల్లాల్లో మోస్తరు వానలు నేడు కురిసే అవకాశముందని పేర్కొంది.