Weather Report : మూడు రోజులు భారీ వర్షాలు తప్పవు.. ఏపీలో ఎండలు.. తెలంగాణలో వర్షం

ఉత్తరకోస్తాంధ్ర, దక్షిణకోస్తాంధ్రలలో తేలికపాటి నుంచి మోస్తరు వర్షాలు నేడు పడే అవకాశముందని పేర్కొంది. ఉరుములతో కూడిన జల్లులు పడేందుకు ఛాన్స్ ఉందని కూడా చెప్పింది. గంటకు యాభై నుంచి అరవై కిలోమీటర్ల వేగంతో ఈదురుగాలులు వీస్తాయని కూడా వాతావరణ కేంద్రం ప్రకటించింది. రాయలసీమలోనూ భారీ వర్షాలు పడే అవకాశముందని, అనేక చోట్ల ఈదురుగాలులు వీయడమే కాకుండా కొన్ని చోట్ల పిడుగులు పడతాయని కూడా వాతావరణ కేంద్రం హెచ్చరించింది. ప్రజలు అప్రమత్తంగా ఉండాలని సూచించింది. అధికారులు కూడా అప్రమత్తంగా ఉండాలని, కొన్ని ప్రాంతాల్లో కుండపోత వర్షం పడే అవకాశమున్నందున వెంటనే ప్రజలను తరలించేందుకు అవసరమైన ఏర్పాట్లు చేసుకోవాలని తెలిపింద.ి

తెలంగాణలోనూ మరో మూడు రోజుల పాటు భారీ వర్షాలు పడతాయని హైదరాబాద్ వాతావరణ కేంద్రం తెలిపింది. గత రెండు మూడు రోజుల నుంచి చల్లటి వాతావరణం ఉందని, ఇదే వాతావరణం కొనసాగుతుందని పేర్కొంది. ఉష్ణోగ్రతలు కూడా గణనీయంగా తగ్గుతాయని, ఎండల తీవ్రత తగ్గిపోతుందని తెలిపింది. ఈరోజు జోగులాంబ గద్వాల్ జిల్లా, వనపర్తి, మహబూబ్ నగర్, వికారాబాద్, ములగు, జయశంకర్ భూపాలపల్లి జిల్లాలో భారీవర్షాలు పడే ఛాన్స్ ఉందని హైదరాబాద్ వాతావరణ కేంద్రం తెలిపింద. ఈ జిల్లాలకు ఎల్లో అలెర్ట్ జారీ చేసింది. గంటకు నలభై నుంచి యాభై కిలోమీటర్ల వేగంతో ఈదురుగాలులు వీస్తాయని కూడా వాతావరణ కేంద్రం తెలిపింది.