Weather Report : ఎండతో పాటు తేలికపాటి జల్లులు... ఉక్కపోత మామూలేనట

దీంతో పాటు వేడిగాలుల తీవ్రత కూడా ఎక్కువగా ఉండే అవకాశముందని చెప్పింది. ఉదయం, సాయంత్రం వేళ వర్షంపడినప్పుడు చల్లటి గాలులు వీచినప్పటికీ మధ్యాహ్నం మాత్రం ఉక్కపోత, వేడిగాలులు వీస్తాయని తెలిపింది. వాతావరణం కూడా వేడితో పాటు తేమతో కూడి ఉంటుందని వాతావరణ కేంద్రం తెలిపింది.ఈరోజు తేలికపాటి వర్షాలు కొన్ని చోట్ల పడే అవకాశముందని వాతావరణ కేంద్రం చెప్పింది. దక్షిణ కోస్తా, ఉత్తర కోస్తాలో అక్కడకక్కడ వర్షాలు పడతాయని వాతావరణ కేంద్రం పేర్కొంది. కొన్ని చోట్ల ఉరుములు మెరుపులతో కూడిన వర్షం పడే అవకాశముందని, మరికొన్నిచోట్ల పిడుగులు పడే అవకాశముందని కూడా వాతావరణ కేంద్రం హెచ్చరించింది.

తెలంగాణలోనూ భారీగా ఉష్ణోగ్రతలు నమోదయ్యే అవకాశముందని తెలిపింది. తేలికపాటి వర్షాలు కురిసే అవకాశముందని చెప్పింది. హైదరాబాద్, రంగారెడ్డి, మహబూబ్ నగర్, మెదక్, సంగారెడ్డి, నల్లగొండ జిల్లాల్లో మోస్తరు వర్షాలు పడతే అవకాశముందని వాతావరణ కేంద్రం హెచ్చరించింది. గంటకు ముప్ఫయి నుంచి నలభై కిలోమీటర్ల వేగంతో ఈదురుగాలులు వీచే అవకాశముందని, అదే సమయంలో పగటి పూట ఉష్ణోగ్రతలు నలభై నుంచి నలభై మూడు డిగ్రీలకు చేరుకునే అవకాశముందని పేర్కొంది. ప్రధానంగా రైతులు తమ పంట ఉత్పత్తులను కాపాడుకోవడానికి ముందస్తు చర్యలు తీసుకోవాలని సూచించింది. మరో రెండు రోజుల పాటు వర్షాలు పడతాయని హైదరాబాద్ వాతావరణ కేంద్రం తెలిపింది.