Weather Report : రానున్న నాలుగు రోజుల్లో వాన దంచికొడుతుందట.. బీ అలెర్ట్

ఆంధ్రప్రదేశ్ లో రానున్న నాలుగు రోజుల్లో భారీ నుంచి అతి భారీ వర్షాలు పడతాయని అమరావతి వాతావరణ కేంద్రం తెలిపింది. పిడుగులతో కూడిన వర్షాలు పడతాయని చెప్పింది.ఈరోజు అనంతపురం, కర్నూలు, నెల్లూరు, ప్రకాశం జిల్లాల్లో పిడుగులతో కూడిన వర్షం పడే అవకాశముందని, ఈ జిల్లాల్లో భారీ వర్షాలు కురిసే అవకాశముందని తెలిపింది. అలాగే తిరుపతి, చిత్తూరు, అన్నమయ్య, కడప, శ్రీ సత్యసాయి, నంద్యాల,పల్నాడు, బాపట్ల, గుంటూరు, ఎన్టీఆర్, కృష్ణా, ఏలూరు, పశ్చిమ గోదావరి, తూర్పు గోదావరి, కోనసీమ జిల్లాల్లో తేలికపాటి నుంచి మోస్తరు వర్షాలు పడతాయని తెలిపింది. మిగిలిన జిల్లాల్లో మాత్రం మోస్తరు నుంచి తేలికపాటి వర్షాలు పడతాయని వాతావరణ శాఖ అధికారులు తెలిపారు.

తెలంగాణలో వచ్చే నాలుగు రోజుల పాటు భారీ నుంచి అతి భారీ వర్షాలు పడతాయని హైదరాబాద్ వాతావరణ కేంద్రం తెలిపింది. కొన్ని జిల్లాలకు ఆరెంజ్ అలెర్ట్, మరికొన్ని జిల్లాలకు ఎల్లో అలెర్ట్ జారీ చేసింది. ఈరోజు కూడా తెలంగాణలోని కొన్ని ప్రాంతాల్లో ఉరుములు, మెరుపులతో కూడిన భారీ వర్షంతో పాటు బలమైన ఈదురుగాలులు వీస్తాయని కూడా వాతావరణ శాఖ వెల్లడించింది. నాగర్ కర్నూల్, కామారెడ్డి, మెదక్, సంగారెడ్డి, వికారాబాద్, సిద్దిపేట, సూర్యాపేట జిల్లాల్లో భారీ వర్షాలు పడతాయని తెలిపింది. హైదరాబాద్ నగరంలో సాయంత్రానికి క్లౌడ్ బరస్ల్ అయ్యే ఛాన్స్ ను కొట్టిపారేయలేమని, ప్రజలు రేపు సాయంత్రం కూడా ఇళ్లలో నుంచి బయటకు రావద్దని జీహెచ్ఎంసీ అధికారులు సూచించారు.