Weather Report : చలి.. వాన.. కలసి నలిపేస్తున్నాయిగా?

ఆంధ్రప్రదేశ్ లోనేడు కూడా అక్కడకక్కడా సాధారణ వర్షపాతం మాత్రమే నమోదవుతుందని అమరావతి వాతావరణ శాఖ వెల్లడించింది. ఉత్తర కోస్తాప్రాంతంలో నేడు పొడి వాతావరణం ఉంటుందని పేర్కొంది. దక్షిణ కోస్తా ప్రాంతంలో మాత్రం తేలికపాటి నుంచి మోస్తరు వానలు పడే అవకాశముందని వాతావరణ శాఖ వెల్లడించింది. రాయలసీమలోనూ నేడు తేలిక పాటి నుంచి మోస్తరు వానలు అక్కడక్కడ పడే అవకాశముందని వాతావరణ శాఖ వెల్లడించింది. అలాగే చలిగాలుల తీవ్రత కూడా పెరిగే ఛాన్స్ ఉందని తెలిపింది. ప్రజలు అప్రమత్తంగా ఉండాలని సూచించింది.

తెలంగాణలో నేడు చలిగాలుల తీవ్రత మరింత పెరిగే అవకాశముందని హైదరాబాద్ వాతావరణ శాఖ వెల్లడించింది. ఇప్పటికే గత రెండు రోజుల నుంచి తెలంగాణలోని అన్నిజిల్లాల్లో చలిగాలుల తీవ్రత ఎక్కువగా ఉంది. కనిష్ట ఉష్ణోగ్రతలు నమోదవుతున్నాయి. ప్రధానంగా ఉత్తర తెలంగాణలో చలిగాలుల తీవ్రత ఎక్కువగా ఉండవచ్చని, ఏజెన్సీ ప్రాంతాలైన ఆదిలాబాద్ జిల్లా, ములుగు జిల్లాల్లో చలిగాలుల తీవ్రత ఎక్కువగా ఉంటుందని వాతావరణ శాఖ వెల్లడించింది. చలిగాలులు, పొగమంచు ప్రభావంతో ప్రజలు జాగ్రత్తగా ఉండాలని హెచ్చరించింది. ముఖ్యంగా వృద్ధులు, చిన్నారులతో పాటు దీర్ఘకాలికరోగులు చలిగాలుల తీవ్రత ఉండటంతో ఇళ్ల నుంచి బయటకు రావద్దని హెచ్చరించింది.