హైదరాబాద్ లోనే రఘురామకృష్ణరాజు

నిన్న రాత్రి లింగంపల్లి నుంచి నరసాపురం ఎక్స్‌ప్రెస్ లో బయలుదేరిన రఘురామకృష్ణరాజు బేగంపేటలోనే దిగి వెళ్లిపోయారు. ఆయన తన నియోజకవర్గానికి ప్రధాని మోదీ వస్తుండటంతో ఆ కార్యక్రమానికి హాజరుకావాలని శతవిధాలుగా ప్రయత్నించారు. న్యాయస్థానాలను ఆశ్రయించారు. తనకు ప్రత్యేక రక్షణ కల్పించాలని హైకోర్టును ఆశ్రయించారు. కేంద్ర ప్రభుత్వం కూడా జడ్ ప్లస్ కేటగిరీ భద్రతను కేటాయించింది. హెలికాప్టర్ దిగేందుకు అనుమతించాలని కూడా కోరారు. కానీ చివరకు రైలులో బయలుదేరిన రఘురామకృష్ణరాజు మధ్యలోనే దిగిపోయారు. తన అనుచరుల కోసం భీమవరం పర్యటనను రద్దు చేసుకుంటున్నట్లు ఆయన ప్రకటించారు.