పవన్ ను కలవాలని.. ఆ విషయం మాట్లాడాలనుకున్నా: కొడాలి నాని

పవన్ కళ్యాణ్ ఎన్ని యాత్రలు చేసినా తమకు అభ్యంతరంలేదని.. చంద్రబాబు స్క్రిప్ట్ చదివితే మాత్రం ఊరుకోమని హెచ్చరించారు. రాజకీయంగా వైసీపీని ఎదుర్కొంటే పవన్ కల్యాణ్‌కు సమాధానమిస్తామన్నారు. ఎన్నికలు అయ్యేవరకు పవన్‌ ఎన్ని యాత్రలు చేసినా తమకు అభ్యంతరం లేదన్నారు. చంద్రబాబు రక్తంలో వెన్నుపోటు జీర్ణించుకుపోయిందని... ఈ విషయాన్ని తానే స్వయంగా కలిసి పవన్ కు చెప్పేందుకు చాలాసార్లు ప్రయత్నించానన్నారు. అది వీలుకాకపోవడంతో మీడియా ముఖంగా చెబుతున్నానన్నారు. వైసీపీ ప్రభుత్వ తప్పులను పవన్ కళ్యాణ్ ఎత్తి చూపితే తమకేం అభ్యంతరం లేదన్నారు. కానీ చంద్రబాబు బినామీలతో కలిసి తమపై దాడి చేస్తే సహించేది లేదని.. అదే స్థాయిలో విమర్శలు చేస్తామన్నారు. తనకు అధికారం ఇస్తే ప్రాజెక్టులు పూర్తి చేస్తానని చంద్రబాబు చెబుతున్నారని, మరి 14 ఏళ్లు అధికారంలో ఉన్నప్పుడు ఏం చేశారని నిలదీశారు. నలభై ఏళ్లు టీడీపీ, కాంగ్రెస్‌లో అధికారం అనుభవించి ఇప్పుడు సొల్లు కబుర్లు చెబుతున్నారన్నారు.