ఏపీ కేబినెట్‌ కీలక సమావేశం

సీపీఎస్ రద్దుపై నిర్ణయం తీసుకోనుంది మంత్రిమండలి. సీపీఎస్‌ స్థానంలో కొత్త విధానానికి ఆమోదం తెలపనుంది ఏపీ కేబినెట్‌. పాత పింఛను పథకానికి సమానంగా ఉండే పథకాన్ని తీసుకురానున్నారు. ప్రభుత్వ ఉద్యోగులకు పదవీ విరమణ తర్వాత వచ్చే 50% పింఛనుకు తగ్గకుండా, అలాగే డీఏ క్రమంగా పెరిగేలా నిర్ణయం తీసుకునే అవకాశం ఉందని అంటున్నారు. ఏపీ కేబినెట్ భేటీ నేపథ్యంలో ప్రభుత్వ ఉద్యోగుల సలహాదారు చంద్రశేఖర్ రెడ్డి కీలక వ్యాఖ్యలు చేశారు. సిపిఎస్ రద్దుపై సీఎం ఇచ్చిన మాట మీద కట్టుబడి ఉన్నారని, మంత్రివర్గ సమావేశంలో దీనిపై మంచి నిర్ణయం ఉంటుందని అన్నారు. ఏపీ మంత్రివర్గ సమావేశం ముగిసిన వెంటనే ముఖ్యమంత్రి సీఎం జగన్ డాక్టర్ అంబేద్కర్ కోనసీమ జిల్లా పర్యటనకు వెళతారు. మలికిపురం చేరుకొని రాజోలు ఎమ్మెల్యే రాపాక వరప్రసాదరావు కుమారుడి వివాహానికి హాజరై నూతన దంపతులను ఆశీర్వదిస్తారు.