Kadapa : కడపలో ఈ మార్పు మంచికేనా? నాయకత్వం సీరియస్ అయింది అందుకేనా?

చివరకు పార్టీ నేతలను కూడా వారు పట్టించుకోవడం మానేశారు. కడపలో తెలుగుదేశం పార్టీ విజయానికి కృషి చేసిన వారిని కాదని తమకంటూ సొంత గ్రూపును సిద్ధం చేసుకునే ప్రయత్నంలో అనేక పొరపాట్లు చేశారని పార్టీ సీనియర్ నేతలు చెబుతున్నారు. ఒకదశలో కడప పట్టణంలో ఉండే టీడీపీ నేతలు తమ గోడును వినిపించుకోవడానికి కమలాపురం టీడీపీ నేత పుత్తా నరసింహారెడ్డిని ఆశ్రయించారంటే ఏ స్థాయిలో రెడ్డప్పగారి కుటుంబం ఇబ్బందులు పెట్టిందో అర్థం చేసుకోవచ్చు. మేయర్ సురేష్ బాబును పదవి నుంచి తొలగించడంపై పెద్దగా నాయకత్వం అభ్యంతరం తెలపలేదు కానీ, వైసీపీ నుంచి టీడీపీలో చేరిన వారికే అధిక ప్రాధాన్యత ఇస్తుండటమే స్థానిక నేతల ఆగ్రహానికి కారణమయిందంటున్నారు.

మొన్నటి శాసనసభ ఎన్నికల్లో కడప జిల్లాల్లో పదింటిలో ఏడు స్థానాలను కూటమి గెలుచుకుంది. అందుకే అక్కడ మహానాడును కూడా టీడీపీ నిర్వహించింది. అయితే ఈ దంపతుల దెబ్బకు పార్టీ కుదేలవుతుందని భావించి రెడ్డప్పగారి శ్రీనివాసులు రెడ్డిని జిల్లా అధ్యక్ష పదవి నుంచి తప్పించారంటున్నారు. దీంతో టీడీపీలోని ఆయన వ్యతిరేకులు పండగ చేసుకుంటున్నారు. శ్రీనివాసులు రెడ్డి స్థానంలో జమ్మలమడుగు నేత భూపేష్ రెడ్డికి పార్టీ బాధ్యతలను అప్పగించింది. ఎవరినీ లెక్క చేయకపోవడం, కడప జిల్లాలో తమకు తిరుగులేదని భావించడమే ఈ మార్పునకు కారణమని అంటున్నారు. అయితే పార్టీ కష్టకాలంలో శ్రమించి, అన్ని ఒత్తిళ్లు ఎదుర్కొన్న తమను ఇలా దూరం పెట్టడంపై రెడ్డప్పగారి అనుచరులు గుర్రుమంటున్నారట. కానీ రెడ్డప్పగారి శ్రీనివాసులు రెడ్డిని పొలిట్ బ్యూరోలో తీసుకోవడంతో కొంత ఊరట కలిగించే అంశం.