TDP : కడప రెడ్డమ్మకు కుర్చీ మీద ఉన్న శ్రద్ధ.. కార్యక్రమంపై లేకపోయెనే

ఆగస్టు పదిహేనో తేదీన స్వాతంత్ర దినోత్సవ సందర్భంగా అధికారులతో పేచీ పెట్టుకున్నారు. కడప పోలీస్ పరేడ్ మైదానంలో స్వాతంత్ర్య దినోత్సవ వేడుకలకు హాజరైన మాధవి రెడ్డి వచ్చేసరికి వేదికపై కుర్చీ లేకపోవడంతో మరోసారి అధికారులపై చిందులు తొక్కారు ప్రొటోకాల్ ప్రకారమే అధికారులు, మంత్రులకు మాత్రమే చోటు ఉంటుందని ఉన్నతాధికారలుు చెప్పినా ఆమె వినలేదు. తనకు కుర్చీ వేయకపోవడంపై ఆమె అక్కడే ఉండి నిలబడి నిరసన తెలియజేశారు. అప్పుడు కూడా మీడియాలో హైలెట్ గా మారి ఇదేంది తల్లీ అని జనం అనుకునేలా చేశారు.

తాజాగా రాష్ట్ర వ్యాప్తంగా టిడ్కో ఇళ్లను ఈరోజు చంద్రబాబు నాయుడు పేటలో ప్రారంభించారు. అయితే ప్రతి జిల్లాల్లో వేడుకగా ఈ కార్యక్రమాన్ని అధికారికంగా నిర్వహించారు. కానీ మంత్రి సవిత తర్వాత తనను వేదికపైకి పిలవలేదని మైకు పుచ్చుకుని మరీ అక్కడి అధికారులపై ఆగ్రహం వ్యక్తం చేశారు. దీంతో జాయింట్ కలెక్టర్ అక్కడి నుంచి వెళ్లిపోవాల్సిన పరిస్థితి ఏర్పడింది. కార్యక్రమం కంటే ఈ రెడ్డమ్మకు కుర్చీ ముఖ్యమని భావించి ఉండవచ్చు. ప్రొటోకాల్ కు భిన్నంగా వ్యవహరిస్తే నేరుగా స్పీకర్ కు ఫిర్యాదు చేయవచ్చు కానీ, సభలో రచ్చ చేయడం వల్ల పార్టీకి నష్టమే తప్ప లాభమేమటమ్మా? అని కొందరు సోషల్ మీడియాలో నిలదీస్తున్నారు.