వైసీపీ ఐసీయూలో ఉంది : పవన్

వైసీపీ ఐసీయూలో ఉందన్నారు. అది ఓడిపోయే పార్టీ అని పవన్ కల్యాణ్ అన్నారు. మచిలీపట్నం తనను ఎంతగానో ప్రభావితం చేసిందన్న పవన్ కల్యాణ్ కులాల ఐక్యత గురించి అందరూ కలసి పనిచేయాలన్నారు. జనసేన ఒక కులానికి సంబంధిన పార్టీ కాదని తెలిపారు. తాను కులాలను వెతుక్కుని పనిచేయనని అన్నారు. నాలుగు ఎన్నికల్లో కష్టపడితేనే బీఎస్సీ అధికారంలోకి వచ్చిందని, మనం కూడా కష్టపడితే అధికారంలోకి రావడం పెద్ద కష్టమేమీ కాదని పవన్ అన్నారు.

రాత్రికి రాత్రే రాజధానిని నిర్మించలేమన్నారు. కొన్నేళ్లు కష్టపడితేనే రాజధాని నిర్మాణం సాధ్యమవుతుందని తెలిపారు. అంచెలంచెలుగా రాజధాని నిర్మాణం సాధ్యమవుతుందన్నారు. గత ఎన్నికల్లో వైఎస్ కుమారుడిననే జగన్ ను జనం నమ్మారని అన్నారు. జగన్ తనకు తనకు శత్రువు కాదని, రాజకీయ ప్రత్యర్థి మాత్రమేనని పవన్ అన్నారు. తెలంగాణ కోసం పుట్టిన టీఆర్ఎస్ దశాబ్దంలోనే అధికారంలోకి వచ్చిందన్నారు. జనసేన అధికారంలోకి వస్తే అందరికీ మంచి చేసేందుకు ప్రయత్నిస్తామని తెలిపారు. జనసేన, టీడీపీ కలసి పోటీ చేస్తాయని ఆయన తెలిపారు. పరస్పసరం సహకరించుకుంటేనే జగన్ ను ఓడించగలమని పవన్ అభిప్రాయపడ్డారు.