అమిత్ షా తో పవన్ భేటీ.. టాపిక్ అదే అయ్యుండొచ్చు

మంగళవారం ఎన్‌డీఏ సమావేశంలో పాల్గొనేందుకు సోమవారం సాయంత్రమే వచ్చిన పవన్‌.. మీడియాతో మాట్లాడుతూ.. వైసీపీ ఓటమికి అన్ని శక్తులు ఏకం కావాలన్నదే తమ లక్ష్యమని అన్నారు. టీడీపీ, జనసేన, బీజేపీ కలిసి పనిచేస్తాయని తాను విశ్వసిస్తున్నట్లు చెప్పారు. ఈ నేపథ్యంలోనే రాష్ట్రంలో పొత్తులు, జగన్‌ ప్రభుత్వం తీరుపై అమిత్‌ షాతో ఆయన చర్చించినట్లు సమాచారం. నిర్మాణాత్మక, నిర్ణయాత్మక, సుసంపన్న భవిష్యత్‌ అందించేందుకు ఈ చర్చలు దోహదపడతాయని పవన్‌ ఆశాభావం వ్యక్తం చేశారు. మొదటి నుండి పవన్ కళ్యాణ్ భారతీయ జనతా పార్టీ (బీజేపీ) నేతృత్వంలోని ఎన్డీయేకు దగ్గరగా ఉన్నారు. ప్రధాని నరేంద్ర మోదీపై పవన్ కళ్యాణ్ తన అభిమానాన్ని ఎప్పటికప్పుడు చాటుకుంటూ ఉన్నారు.ఎన్డీయేతో పొత్తు పెట్టుకోవడం వల్ల దేశం సుస్థిరత దిశగా పయనిస్తుందని ఆశాభావం వ్యక్తం చేశారు.