ఈ నియంతను గద్దె దించాల్సిందే

జనసేన ప్రభుత్వం ఏర్పడిన తర్వాత యువతకు ఉపాధి అవకాశాలు ఎలా కల్పిస్తామో చెబుతామని తెలిపారు. యువత భవిత కోసం తీర్మానం చేస్తామన్నారు. కష్టపడి చదివిన యువతకు అండగా నిలబడాల్సిన అవసరం ఉందన్నారు. తమ కాళ్లమీద తాము నిలబడుతూ నలుగురికి ఉపాధి కల్పించే విధానం ప్రస్తుత ప్రభుత్వంలో లోపించిందన్నారు. ఉపాధి అవకాశాల కోసం దూర ప్రాంతాలకు వలస వెళుతున్నారన్నారు. ఉత్తరాంధ్ర యువత ఆర్మీరంగంలో ఎక్కువగా ఉందన్నారు. రాబోయే ఎన్నికల్లో మన ప్రభుత్వం ఏర్పడిన తర్వాత ప్రణాళికబద్ధమైన కొత్త యువజన విధానాన్ని తీసుకొస్తామని తీర్మానం ప్రవేశపెడుతున్నామన్నారు. అలాగే ఉత్తరాంధ్ర ప్రజలకు భరోసా తీర్మానాన్ని ప్రవేశపెట్టారు. ఉత్తరాంధ్ర డెవలెప్‌మెంట్ అధారిటీని ఏర్పాటు చేస్తామని తీర్మానం చేశారు.