Janasena : జనసేన సభకు వచ్చే వారికి నోరూరించే నాన్ వెజ్ వంటకాలు సిద్ధం

వెజ్, నాన్ వెజ్ వంటలను తయారు చేస్తున్నారు గోదావరి వంటకాలను జనసైనికులకు రుచి చూపించాలని నాయకత్వం భావించింది. ఎండాకాలం కావడంతో తొలుత వెజిటేరియన్ భోజనం అందించాలని భావించినా తర్వాత చివరకు నాన్ వెజ్ ప్రియులకు కూడా పార్టీ పండగ నాడు కడుపునిండా భోంచేసేలా ఏర్పాట్లు చేయడానికి సర్వం సిద్ధమయింది. గోదావరి జిల్లాల నుంచి ప్రత్యేకంగా ఇందుకోసం వంట చేసేవారిని రప్పించారు. నిపుణులైన వారిని తీసుకు వచ్చి నాన్ వెజ్ వంటకాలను తయారు చేస్తున్నారు.

సభకు వచ్చిన ప్రతి ఒక్క కార్యకర్త తృప్తిగా భుజించేలా చర్యలు తీసుకుంటున్నారు. చేపల పులుసు, రొయ్యల ఇగురు, పీతల పులుసు, కోడి వేపుడు, మటన్ బిర్యానీ వంటి వంటకాలతో పాటు స్టార్టర్స్ కూడా ఫుడ్ స్టాల్స్ లో అందించనున్నారు. ఇక శాఖాహార ప్రియులకు మంచి భోజనం అందిస్తున్నామని నిర్వాహకులు తెలిపారు. రోటి పచ్చడి, ఆవకాయ, అప్పడం, పప్పు, కూర, సాంబారు, రసం, మజ్జిగ చారుతో పాటు గడ్డ పెరుగును కూడా కార్యకర్తలకు అందించనున్నారు. అందరికీ మంచినీరు, మజ్జిగ నిరంతరంగా అందచేస్తారు. అలాగే మధ్యాహ్నంతో పాటు రాత్రి తిరిగి తమ ప్రాంతాలకు వెళ్లేవారికి రహదారులలో భోజనాలను అందించే ఏర్పాట్లను కూడా చేస్తున్నారు.