Weather Report : మరో బాంబు పేల్చిన ఇస్రో.. ఈ నెల 19 నుంచి భారీ వర్షాలు

ఆంధ్రప్రదేశ్ లో నేడు కూడా అక్కడక్కడ తేలికపాటి నుంచి మోస్తరు వానలు పడే అవకాశముందని విశాఖ వాతావరణ కేంద్రం హెచ్చరించింది. అయితే కొన్ని చోట్ల మాత్రమే తేలికపాటి వానలు నేడు పడతాయని చెప్పింది. ఉపరితల ఆవర్తనం సముద్రమట్టానికి 3.1 కిలోమీటర్ల ఎత్తులో విస్తరించి ఉన్నందున ఈ వానలు పడతాయని పేర్కొంది. అయితే ఆంధ్రప్రదేశ్ లో ఎక్కువ ప్రాంతాల్లో పొడి వాతావరణం ఉంటుందని కూడా వాతావరణ శాఖ అంచనా వేసింది. అదే సమయంలో చలిగాలుల తీవ్రత ఎక్కువగా ఉంటుందని చెప్పింది. ముఖ్యంగా సముద్ర తీర ప్రాంతంలోనూ, ఏజెన్సీ ఏరియాలో చలిగాలుల తీవ్రత ఎక్కువగా ఉంటుందని, ప్రజలు తగిన జాగ్రత్తలు తీసుకోవాలని సూచించింది.

తెలంగాణలో చలిగాలుల తీవ్రత పెరిగింది. హైదరాబాద్ తో పాటు అనేక ప్రాంతాల్లో చలి తీవ్ర ఎక్కువగా ఉంది. విద్యుత్తు వినియోగం కూడా గణనీయంగా పడిపోయింది. ఒక్కసారిగా వాతావరణం చల్లబడటంతో అనారోగ్య సమస్యలు తలెత్తే అవకాశముందని వైద్యులు చెబుతున్నారు. ఉదయం వేళ పొగమంచు ఎక్కువగా ఉంటుందని ప్రయాణాలు చేసే సమయంలో తగిన జాగ్రత్తలు పాటించాలని సూచించింది. అలాగే సాధారణ ఉష్ణోగ్రతలు కంటే రెండు నుంచి మూడు డిగ్రీలు తక్కువగా నమోదయ్యే అవకాశముందని కూడా పేర్కొంది. ఉత్తర తెలంగాణలో ఈ చలిగాలుల తీవ్రత ఎక్కువగా ఉంది. హైదరాబాద్, ఆదిలాబాద్, కుమ్రంభీం ఆసిఫాబాద్, మంచిర్యాల,నిర్మల్ వంటి జిల్లాల్లో సింగిల్ డిజిట్ ఉష్ణోగ్రతలు నమోదయ్యే అవకాశముందని హెచ్చరించింది.