Weather Report : ముందే రుతుపవనాలు... ఈసారి మాత్రం తడిసి ముద్ద్వాల్సిందేనట

అయితే ఈ లోపు మాత్రం ఆంధ్రప్రదేశ్ లో భారీగా ఉష్ణోగ్రతలు నమోదవుతాయని చెప్పింది. నలభై ఐదు డిగ్రీల మేరకు ఉష్ణోగ్రతలు నమోదయ్యే అవకాశముందని కూడా పేర్కొంది. వడగాలుల తీవ్రత కూడా ఎక్కువగా ఉంటుందని, మరో నెల రోజుల పాటు రెండు తెలుగు రాష్ట్రాల ప్రజలు ఉక్కపోతతో పాటు వేడిగాలుల తీవ్రత ఎక్కువగా ఉంటుంది కాబట్టి తగిన జాగ్రత్తలు తీసుకోవాల్సి ఉంటుందని వాతావరణ శాఖ సూచించింది. పగటి వేళల్లో వీలయినంత వరకూ బయటకు రాకపోవడమే మంచిదని సూచించింది. ముఖ్యంగా చిరు వ్యాపారులు తగిన జాగ్రత్తలు తీసుకోవాలని, లేకుంటే వడదెబ్బ తగిలే అవకాశముందని కూడా వాతావరణ శాఖ హెచ్చరించింది. రోజు వారీ కూలీలు కూడా తగిన జాగ్రత్తలు పాటించాలని తెలిపింది.

ఆంధ్రప్రదేశ్ లో నేడు ఉత్తర కోస్తా, రాయలసీమల ప్రాంతాల్లో భారీ వర్షాలు పడతాయని కూడా చెప్పింది. తెలంగాణలోనూ వేడిగాలుల తీవ్రత ఎక్కువగా ఉంటుందని, ఉష్ణోగ్రతలు కూడా భారీగా పెరుగుతాయని చెప్పింది. మరో నాలుగు రోజుల పాటు తేలిక పాటి నుంచి మోస్తరు వర్షాలు పడతాయని కూడా చెప్పింది. ఈదురుగాలులు కూడా బలంగా వీస్తాయని పేర్కొంది. ఈరోజు మహబూబ్ నగర్, కామారెడ్డి, మెదక్, సంగారెడ్డి, వికారాబాద్, నిర్మల్, ఆదిలాబాద్ జిల్లాల్లో అధిక వర్షాలతో పాటు వడగండ్ల వాన కూడా పడే అవకాశముందని హైదరాబాద్ వాతావరణ శాఖ తెలిపింది. ఆరెంజ్ అలెర్ట్ జారీ చేసింది. రైతులు తమ పంట ఉత్పత్తులను కాపాడుకోవాలని కూడా సూచించింది. వేడిగాలుల తీవ్రత పగటి వేళ ఎక్కువగా ఉంటుందని చెప్పింది.