Rain Alert : దీపావళికీ వదలనంటున్న వాన... తుపాను ముప్ప పొంచి ఉందట

ఆంధ్రప్రదేశ్ లో మరికొన్నిరోజుల పాటు వానలు తప్పవని విశాఖ వాతావరణ శాఖ తెలిపింది. వాయుగుండం తుపాను గా మారే అవకాశముండటంతో దాని ప్రభావం కారణంగా భారీవర్షాలు పడతాయని వెల్లడించింది. తిరుపతి, చిత్తూరు, అన్నమయ్య, అనంతపురం, నెల్లూరు, ప్రకాశం, పల్నాడు, బాపట్ల, గుంటూరు, ఎన్టీఆర్, కృష్ణా, ఏలూరు, పశ్చిమ గోదావరి, తూర్పు గోదావరి, అంబేద్కర్ కోనసీమ, విజయనగరం, శ్రీకాకుళం జిల్లాల్లో వర్షాలు పడతాయని విశాఖ వాతావరణ కేంద్రం అధికారులు తెలిపారు. కొన్నిచోట్ల పిడుగులు కూడా పడతాయని హెచ్చరించిది. కొన్నిజిల్లాల్లో మోస్తరు నుంచి తేలికపాటి జల్లులు పడతాయని వాతావరణ వాఖ తెలిపింది. అల్పపీడనం ప్రభావంతో మత్స్యకారులు చేపలవేటకు వెళ్లవద్దని సూచించారు.

తెలంగాణలోనూ రెండు రోజుల పాటు వానలు పడతాయని హైదరాబాద్ వాతావరణ శాఖ తెలిపింది. ఈశాన్య రుతుపవనాల ప్రవేశం ప్రభావంతో పాటు అల్పపీడనం ఎఫెక్ట్ కారణంగా కూడా వానలు పడతాయని వాతావరణ శాఖ వెల్లడించింది. ఈరోజు జోగులాంబ గద్వాల్, నారాయణపేట్, వనపర్తి, నాగర్ కర్నూల్, మహబూబ్ నగర్, సూర్యాపేట, నల్గగొండ, ఖమ్మం, కొత్తగూడెం, ములుగు, జయశంకర్ భూపాలపల్లి, పెద్దపల్లి, కరీంనగర్, రాజన్న సిరిసిల్ల, జగిత్యాల, నిజామాబాద్ జిల్లాల్లో వర్షాలు పడతాయని హైదరాబాద్ వాతావరణ శాఖ వెల్లడించింది. దీపావళి పర్వదినం కావడంతో వర్షం ఇబ్బంది పెడుతుందేమోనని ప్రజలు ఆందోళన చెందుతున్నారు. అయితే తేలికపాటి వర్షాలు పడతాయని వాతావరణ శాఖ చెప్పింది.