Mon Apr 29 2024 14:14:43 GMT+0000 (Coordinated Universal Time)
ఏపీ-తెలంగాణకు భారీ వర్ష సూచన
ఏపీలో కూడా పలు ప్రాంతాల్లో వర్షాలు పడుతున్నాయి. నైరుతి బంగాళాఖాతంలో ఉత్తర తమిళనాడు తీరాన్ని ఆనుకుని ఉపరితల ఆవర్తనం
ఏపీలో కూడా పలు ప్రాంతాల్లో వర్షాలు పడుతున్నాయి. నైరుతి బంగాళాఖాతంలో ఉత్తర తమిళనాడు తీరాన్ని ఆనుకుని ఉపరితల ఆవర్తనం కొనసాగుతోంది. ఈ ప్రభావంతో ఏపీలో రానున్న మూడు రోజుల పాటు రాష్ట్రంలో పలుచోట్ల తేలికపాటి నుంచి మోస్తరు, అక్కడక్కడా కొన్ని జిల్లాల్లో భారీ వర్షాలు కురిసే అవకాశం ఉందని అంచనా వేస్తోంది వాతావరణశాఖ. ఉరుములు, మెరుపులతో పాటు పిడుగులు కూడా పడే అవకాశం ఉందని హెచ్చరించారు. శ్రీకాకుళం, పార్వతీపురం మన్యం, విజయనగరం, విశాఖపట్నం, అనకాపల్లి, అల్లూరి సీతారామరాజు, కాకినాడ, తూర్పుగోదావరి, కోనసీమ, పశ్చిమగోదావరి, ఏలూరు, ఎన్టీఆర్, గుంటూరు, పల్నాడు, శ్రీ సత్యసాయి జిల్లాల్లో అక్కడక్కడ మోస్తరు నుంచి భారీ వర్షాలు కురిసే అవకాశం ఉందని వాతావరణ శాఖ అధికారులు తెలిపారు. మిగిలిన జిల్లాల్లో తేలికపాటి జల్లులు పడే అవకాశం ఉందంటున్నారు.
తెలంగాణలో వర్షాలు ఊపందుకున్నాయి. ఉత్తర తమిళనాడు తీరంలోని నైరుతి బంగాళాఖాతంలో ఆవర్తనం ఏర్పడగా.. దిగువ స్థాయిలోని గాలులు పశ్చిమ దిశ నుంచి తెలంగాణ వైపు వీస్తున్నాయి. ఈ ప్రభావంతో తెలంగాణలో చాలా చోట్ల ఐదు రోజుల పాటు వర్షాలు కురిసే అవకాశం ఉందని అంచనా వేస్తున్నారు. ఉత్తర, ఈశాన్య తెలంగాణ జిల్లాల్లో అనేకచోట్ల వానలు కురుస్తాయని అక్కడక్కడ భారీ వర్షాలు పడతాయని వాతావరణ శాఖ అధికారులు తెలిపారు. తెలంగాణలో ఇప్పటివరకు సాధారణంతో పోలిస్తే 36 శాతం వర్షపాతం లోటు కనిపిస్తుంది. రాబోయే రోజుల్లో భారీ వర్షాలు పడతాయని వాతావరణశాఖ చెబుతోంది. నేడు ఖమ్మం, నల్లగొండ, సూర్యాపేట, మహబూబాబాద్, భద్రాద్రి కొత్తగూడెం జిల్లాల్లో భారీ వర్షాలు కురవనున్నట్లు స్పష్టం చేసింది.
Next Story