Sadaram : దివ్యాంగులు మోసపోవద్దు.. ప్రభుత్వం హెచ్చరికలు

సదరం స్లాట్ బుకింగుల విషయంలో ద‌ళారులను నమ్మి మోసపోకుండా ప్రభుత్వం అన్ని చర్యలు తీసుకుంటుంది. ఈ మేరకు దళారులను ఎవరినీ నమ్మవద్దని ప్రభుత్వం దివ్యాoగులకు విజ్ఞప్తి చేసింది. సదరం ద్వారా దివ్యాంగులకు వైకల్య దృవీకరణ పత్రాలు జారీ చేస్తున్నారు. ఈ క్రమంలో నవంబర్ 14, 2025న రాష్ట్రవ్యాప్తంగా మొత్తం 31,050 స్లాట్లు విడుదల చేశారు. మొత్తం స్లాట్లు రెండు రోజుల్లో బుక్ అయ్యాయి. రాష్ట్రంలో మొత్తం 118 ఆస్పత్రుల్లో వైకల్య నిర్ధారణ క్యాంపులు నిర్వహిస్తున్నారు. కొందరు దళారులు "ఇతర జిల్లాల్లో స్లాట్ బుక్ చేసి, తర్వాత అనంతపురం జిల్లాకు ట్రాన్స్‌ఫ‌ర్ చేస్తామని నమ్మ బలికి ఒక్కొక్కరి నుంచి 5,000 నుంచి రూ.10,000 వరకు డిమాండ్ చేస్తూ దివ్యాంగులను మోసం చేస్తున్నట్టు వార్తలొస్తున్న నేపథ్యంలో ప్రభుత్వం ఈ పిలుపు ఇచ్చింది.