Andhra Pradesh : సంక్రాంతికి ఫ్రీబస్సు లేదట? అయితే మరొక గుడ్ న్యూస్ తో చంద్రబాబు రెడీ అవుతున్నారా?

అయితే సంక్రాంతి నాటికి ఈ నివేదిక ఇవ్వడం సాధ్యకాకపోవచ్చని అధికారులు కూడా ముఖ్యమంత్రి చంద్రబాబుకు చెప్పడంతో ఉగాది నుంచి అంటే మార్చి నెలలో ఫ్రీ బస్సు ప్రయాణానికి సంబంధించిన ఏర్పాట్లు చేయాలని అధికారులకు చంద్రబాబు ఆదేశించారు. ఇప్పటికే ఆర్టీసీ ఉన్నతాధికారులు ఇచ్చిన నివేదికలో 11000 వేల మంది అదనపు సిబ్బందిని నియమించడంతో పాటు రెండు వేల ఆర్టీసీ బస్సులను కొనుగోలు చేయాల్సి రావడం వంటి కారణాలు కూడా ఫ్రీ బస్సు హామీని మరో మూడు నెలలు వెనక్కు నెట్టినట్లు తెలిసింది. ఉగాదినాటికి మాత్రం ఖచ్చితంగా మహిళలకు ఇచ్చిన హామీని అమలు చేయాలని చంద్రబాబు అధికారులను ఆదేశించినట్లు తెలిసింది.

ఇక సంక్రాంతి అంటే ఏపీ ప్రజలకు పెద్ద పండగ. రైతుల పండగ. అందుకోసం రైతులకు సంబందించిన హామీని అమలు చేయాలన్న ఆలోచనతో చంద్రబాబు ఉన్నారని తెలిసింది. రైతు కు ఏడాదికి పెట్టుబడి సాయం కింద ఇరవై వేల రూపాయలు ఇస్తామని చంద్రబాబు సూపర్ సిక్స్ హామీలలో ప్రకటించారు. అందులో తొలి విడతగా ఎకరానికి పదివేల రూపాయలు ఇచ్చేందుకు నివేదికలను సిద్ధం చేయాలని అధికారులకు సూచించినట్లు సమాచారం. కానీ ఈ పథకానికి మొన్నటి బడ్జెట్ లో నిధుల కేటాయింపు జరగలేదు. అయినా సంక్రాంతికి సూపర్ సిక్స్ హామీని అమలు చేయాలన్న ఉద్దేశ్యంతో రైతుల కోసం ఇచ్చిన హామీని అమలు చేయాలని చంద్రబాబు డిసైడ్ అయ్యారని అంటున్నారు. అయితే ఇంత తక్కువ సమయంలో నిధుల సమీకరణ సాధ్యాసాధ్యాలను అధికారులు పరిశీలిస్తున్నట్లు తెలిసింది. జనవరి మొదటి వారంలో దీనిపై క్లారిటీ రానుంది.