Kesineni Nani : కేశినేని నాని పొలిటికల్ రీ ఎంట్రీపై క్లారిటీ

విజయవాడ మాజీ పార్లమెంటు సభ్యుడు కేశినేని నాని పొలిటికల్ రీ ఎంట్రీపై క్లారిటీ ఇచ్చారు. కేశినేని నాని గతంలో తాను రాజకీయాల నుంచి తప్పుకుంటున్నట్లు ప్రకటించారు. అయితే ఆయన తిరిగి రాజకీయంగా యాక్టివ్ అవుతున్నట్లు ప్రచారం జరుగుతుంది. గత ఎన్నికల్లో వైసీపీ నుంచి విజయవాడ పార్లమెంటు నియోజకవర్గంలో పోటీ చేసిన కేశినాని తన సోదరుడు కేశినేని చిన్ని చేతిలో దారుణంగా ఓటమి పాలయ్యారు. ఆతర్వాత ఆయన తాను రాజకీయాల నుంచి తప్పుకుంటున్నట్లు ప్రకటించారు. అయితే ఇటీవల కాలంలో తిరిగి కేశినేని నాని రాజకీయంగా యాక్టివ్ అవుతారని విజయవాడలో జోరుగా ప్రచారం జరుగుతుంది. ఆయన సన్నిహితులు తరచూ వచ్చి కలుస్తుండటంతో ఈ ప్రచారం మరింత ఊపందుకుంది.