పవన్ పొలిటికల్ ప్యారెట్.. పేర్ని నాని ఫైర్

2014లో తాను టీడీపీకి మద్దతిచ్చిన పవన్ ఆ ఐదేళ్లు జరిగిన తప్పులకు పావలా శిక్ష పవన్ దేనని పేర్ని నాని సెటైర్ వేశారు. యాత్ర పేరుతో ముంచాలనుకున్నది జనసైనికులనా? సినీ ప్రొడ్యూసర్లనా? అని ఆయన ప్రశ్నించారు. చంద్రబాబు యాత్రకు పర్మిషన్ ఇవ్వలేదేమో అని ఎద్దేవా చేశారు. చంద్రబాబు అధికారంలో ఉండగా కనపడని తప్పులు జగన్ పాలనలో మాత్రం వీకెండ్ వచ్చి విమర్శలు చేస్తున్నారని ఆరోపించారు. చిరంజీవి మీద బురదచల్లే ప్రయత్నం మానుకోవాలని పవన్ కు హితవు పలికారు. చిరంజీవి తన పార్టీ గెలుపుకోసం అన్ని నియోజకవర్గాల్లో పోటీ చేశారని, ఆ ధైర్యం నీకుందా? అని పవన్ ను ప్రశ్నించారు.

2014లో రాష్ట్ర విభజన జరిగితే హైదరాబాద్ ను వదిలి పెట్టింది చంద్రబాబు కాదా? అని పేర్ని నాని ప్రశ్నించారు. పదేళ్లపాటు రాజధాని అవకాశం ఉన్నా వదులుకుని వచ్చింది ఎవరని పేర్ని నాని నిలదీశారు. హైదరాబాద్ లో ఉన్న మన ఆస్తులను వదిలేసి మీ పార్టనర్, బాస్ ఏపీకి వచ్చింది నిజం కాదా? అని నిలదీశారు. జగన్ మీద పడి ఎంతసేపూ పడి ఏడవడం నీ రాజకీయమా? అని ప్రశ్నించారు. చంద్రబాబుకు వ్యతిరేకంగా ఒక్క మాట అయినా ఎప్పుడైనా మాట్లాడలేని నువ్వు జగన్ ప్రశ్నించే అర్హత లేదని పేర్ని నేని అన్నారు. పవన్ వల్ల జనసేన నాయకులు, కార్యకర్తలు అన్ని రకాలుగా నష్టపోయారన్నారు