ఏబీవీ ఎందుకిలా మారిపోయారు...? ఆయన టార్గెట్ ఏంటి?

ఆంధ్రప్రదేశ్ మాజీ ఇంటెలిజెన్స్ అధికారి ఏబీ వెంకటేశ్వరరావు ప్రభుత్వానికి తలనొప్పిగా తయారయ్యారు. ఆయన అసంతృప్తికి గల కారణాలు తెలియడం లేదు కానీ, ఈ మధ్య కాలంలో టీడీపీ పాలనపైన విరుచుకుపడుతున్నారు. ఒకప్పుడు టీడీపీకి అనుకూలంగా ఉన్న ఏబీ వెంకటేశ్వరరావు కూటమి ప్రభుత్వం అధికారంలోకి వచ్చిన తర్వాత మాత్రం చాలా వరకూ మారిపోయారు. ఏదో అసహనం ఆయనలో కనిపిస్తుంది. అది ఎంత వరకూ వెళ్లిందంటే తాను ఆశించిన రీతిలో పాలన సాగటం లేదన్న అభిప్రాయాన్ని ఏబీ వెంకటేశ్వరరావు తరచూ బాహాటంగా వ్యక్తం చేస్తుండటం అధికార పార్టీ నేతలకు మింగుడు పడటం లేదు. ఏబీ వెంకటేశ్వరరావు మిగిలిన వారిలా రాజకీయ పార్టీలు పెట్టకుండా జనంలో తిరుగుతూ ప్రస్తుత ప్రభుత్వంపై విమర్శలు చేస్తున్నారు.