విశాఖలో భూ దోపిడీ నిజం కాదా?

జగన్ కు అధికారం ఇచ్చింది ప్రభుత్వ ఆస్తులను దోచుకోవడానికా? అని ధూళిపాళ్ల నరేంద్ర ప్రశ్నించారు. ఈ మూడున్నరేళ్లలో మీ కుటుంబ కంపెనీలకు ఎన్ని ప్రాజెక్టులు వచ్చాయో చెప్పాలని ఆయన కోరారు. కాకినాడ ఎయిర్ పోర్టు, జీఎంఆర్ కంపెనీ కాకినాడ ఎస్ఈజడ్ లో షేర్లను అరబిందో కంపెనీకి కట్టబెట్టిన వాస్తవమా? కాదా? చెప్పాలని ఆయన ప్రశ్నించారు. రామాయపట్నం పోర్టును నవోదయ, అరబిందో కంపెనీకి అప్పగించిన నిజమా? కాదా? అని నరేంద్ర ప్రశ్నించారు. భూదోపిడీపై సమాధానం చెప్పకుండా అడ్డగోలుగా విజయసాయిరెడ్డి బుకాయిస్తున్నారని ఆయన అన్నారు. వేల కోట్ల విలువైన ఆస్తులు, పనులను విజయసాయిరెడ్డి అల్లుడి చెందిన కంపెనీకి ఎలా వచ్చాయని ఆయన నిలదీశారు.