Ongole News : బాలినేని శ్రీనివాసరెడ్డి జనసేనలో ఎందుకు చేరినట్లు? ఏం సాధించినట్లు?

కానీ జనసేనలో బాలినేని శ్రీనివాసరెడ్డి చేరిక ఇటు వైసీపీలో ఉన్న క్యాడర్ కు కూడా ఇష్టం లేదు. అలాగే తాను చేరిన జనసేన పార్టీలో ఉన్న నేతలకు, కార్యకర్తలు కూడా సుముఖంగా లేరు. పార్టీ పదవులు జిల్లాల్లో ఇస్తున్నప్పటికీ, నామినేటెడ్ పదవుల విషయంలోనూ ఆయనను పార్టీ నాయకత్వం సంప్రదించే పరిస్థితుల్లో లేదు. పవన్ కల్యాణ్ తనను కొన్ని సార్లు ప్రశంసించడంతో తనకు ప్రాధాన్యత ఇస్తారని నమ్మి వెళ్లిన బాలినేని శ్రీనివాసరెడ్డికి దాదాపు ఏడాది గడిచినా ఎటువంటి పదవి దక్కలేదు.చివరకు జిల్లా ఇన్ ఛార్జి పదవి దక్కలేదు. నామినేటెడ్ పదవిని దక్కించుకున్న రియాజ్ వంటి వారు కూడాబాలినేని శ్రీనివాసరెడ్డిని పట్టించుకోవడం లేదు.

జనసేన నేతలు ఎక్కువ మంది జిల్లా నేతలు తెలుగుదేశం పార్టీకి చెందిన ఎమ్మెల్యే దామచర్ల జనార్థన్ తో టచ్ లో ఉన్నారు. బాలినేని శ్రీనివాసరెడ్డితో కలిసి జనసేనలో చేరిన నేతలు మినహా పాత నేతలు ఎవరూ ఆయన దగ్గరకు రావడం లేదు. దీంతో ఒంగోలులోని బాలినేని ఇల్లు బోసిపోయి కనిపిస్తుందంటున్నారు. ఇక జనసేనకు సంబంధించిన కార్యక్రమాలకు కూడా ఆయనకు పిలుపు లేదు. కనీసం జనసేన నేతలు వేస్తున్న ఫ్లెక్సీలలో కూడా ఆయన ఫొటో కనిపించడం లేదు. దీంతో ఆయన జనసేనలో ఎందుకు చేరినట్లు? ఏమి సాధించినట్లు? అన్న కామెంట్స్ ఆయన సన్నిహితుల నుంచి వినిపిస్తున్నాయి. బాలినేని శ్రీనివాసరెడ్డి కూడా ఒంగోలులో ఉండకుండా ఎక్కువగా హైదరాబాద్ లోనే గడుపుతూ నియోజకవర్గానికి దూరంగా ఉంటున్నారు. చివరకు బాలినేని పరిస్థితి ఇలా తయారైందేమిటన్న వ్యాఖ్యలు ఒంగోలులో వినపడుతున్నాయి.