Ambati Rambabu : చంద్రబాబు తప్పిదం వల్లనే పోలవరం నిర్మాణంలో ఆలస్యం

కేంద్రానికి సీడబ్ల్యూసీ ఇచ్చిన నివేదికను పరిశీలించాలని అంబటి రాంబాబు కోరారు. చంద్రబాబు తాను చేసిన తప్పులను వైసీపీ పై నెట్టే ప్రయత్నం చేస్తున్నారని ఆరోపించారు. చంద్రబాబు చెప్పే అసత్యాలను ఎవరూ నమ్మవద్దని అన్నారు. చంద్రబాబు తీసుకున్న నిర్ణయాలే పోలవరం నిర్మాణం ఆలస్యం కావడానికి కారణమని అంబటి రాంబాబు తెలిపారు. ఇరిగేషన్ ప్రాజెక్టులను ప్రారంభించిన ఘనత వైఎస్ దేనని ఆయన తెలిపారు.వైఎస్ఆర్ సంకల్పంతోనే రాష్ట్రానికి నీటిపారుదల ప్రాజెక్టులు వచ్చాయన్న అంబటి రాంబాబు, డయాఫ్రం వాల్ నిర్మించకుండా ప్రాజెక్టులు ప్రపంచంలో ఎక్కడా నిర్మించరని అంబటి రాంబాబు అన్నారు.