జగన్ ప్రభుత్వంపై త్వరలోనే స్పందిస్తా

బీజేపీలో సామాన్య కార్యకర్తగానే సేవలందిస్తానని, పార్టీ అప్పగించిన ఏ పనినైనా చేస్తానని చెప్పారు. తాను హైదరాబాద్ లో పుట్టానని, అక్కడే బాల్యం, చదువు గడిచిందన్నారు. ఆంధ్రప్రదేశ్ తన సొంత ఊరు అని అన్న నల్లారి కిరణ్ కుమార్ రెడ్డి కర్ణాటకలో కూడా తమ కుటుంబానికి బంధుత్వాలు ఉన్నాయన్నారు. ఏ రాష్ట్రానికి చెందిన వారమనేది కాదని ఎలా పనిచేస్తున్నామన్నదే ముఖ్యమని నల్లారి కిరణ్ కుమార్ రెడ్డి అన్నారు. తనకు కాంగ్రెస్ లో పీసీసీీ అధ్యక్షుడు ఇస్తామన్నా వద్దని చెప్పానని, తాను సరైన సమయంలోనే ప్రస్తుత ఏపీ ప్రభుత్వంపై స్పందిస్తానని చెప్పారు. విశాఖ స్టీల్ ప్లాంట్ ను తెలంగాణ ప్రభుత్వానికి విక్రయించడం లేదని ఆయన ఒక ప్రశ్నకు సమాధానంగా చెప్పారు.