ద్వారంపూడిని ఏమీ చేయలేకపోతున్నారా.. క్యాడర్ లో అసంతృప్తికి కారణమేంటి?

ఆ మాధ్య కాకినాడ పోర్టు నుంచి అక్రమ రేషన్ బియ్యాన్ని విదేశాలకు ఎగుమతి చేశారన్న ఆరోపణలు చేశారు. దీనిపై విచారణ ప్రారంభించామని చెప్పారు. అదే సమయంలో ఒకే కుటుంబంలోని ముగ్గురు సభ్యులు పదవుల్లో ఉండి రేషన్ మాఫియాకు కాకినాడ ప్రాంతంలో తెరలేపారంటూ నాడు ప్రతిపక్ష నేతగా ఉన్న చంద్రబాబు చేసిన వ్యాఖ్యలు ద్వారంపూడి చంద్రశేఖర్ రెడ్డి పై యాక్షన్ కు ప్రభుత్వం రెడీ అయిందనుకుని భావించామని, కానీ ఇప్పుడు ఆ ఊసే మర్చిపోయి ప్రభుత్వంలో వారు వ్యవహరిస్తుండటాన్ని కూడా కార్యకర్తలు తప్పుపడుతున్నారు. ఇటీవల నారా లోకేశ్ రాజమండ్రి వచ్చినప్పుడు కూడా ఆయన ప్రస్తావన తేకపోవడం పట్ల కూడా పార్టీ కార్యకర్తలు అసహనం వ్యక్తం చేస్తున్నారు.

అయితే గత కొన్నాళ్లుగా ద్వారం పూడి చంద్రశేఖర్ రెడ్డి మౌనంగా ఉన్నారు. పార్టీ కార్యక్రమాల్లో కూడా పెద్దగా పాలు పంచుకోవడం లేదు. నాడు అధికారంలో ఉండగా జనసేన కార్యకర్తలపై పోలీసులను ప్రయోగించిన విషయాన్ని అధికారంలోకి రాగానే ఎలా మర్చిపోతారంటూ సోషల్ మీడియాలో ప్రశ్నిస్తున్నారు. అయితే రేషన్ మాఫియాకు సంబంధించి సరైన సాక్ష్యాధారాలు లభించకపోవడం వల్లనే ప్రభుత్వం ఎలాంటి చర్యలు తీసుకోవడం లేదని ప్రభుత్వ వర్గాలు చెబుతున్నప్పటికీ దానిని క్యాడర్ మాత్రం నమ్మడం లేదు. ద్వారం పూడి చంద్రశేఖర్ రెడ్డికి టీడీపీ, జనసేనల్లో నేతలతో సంబంధాలున్నాయని, ఇప్పటికీ ఆయన అదే దందాను వారి సహకారంతో నడుపుతున్నా పట్టించుకోకపోవడంపై పలు అనుమానాలు కార్యకర్తలు వ్యక్తం చేస్తున్నారు. ఈ విషయాన్ని తిరువూరు టీడీపీ ఎమ్మెల్యే కొలికపూడి శ్రీనివాసరావు బయటపెట్టినా చర్యలు తీసుకోకపోవడంపై పార్టీ కార్యకర్తలు పెదవి విరుస్తున్నారు.