Fri Dec 05 2025 17:44:58 GMT+0000 (Coordinated Universal Time)
నేడు ఏపీ అంతటా భారీ వర్షాలు
నేడు మోస్తరు నుంచి భారీ వర్షాలు ఆంధ్రప్రదేశ్ లో పడతాయని విపత్తు నిర్వహణ సంస్థ తెలిపింది
బంగాళాఖాతంలో కేంద్రీకృతమైన అల్పపీడనం ప్రభావంతో నేడు మోస్తరు నుంచి భారీ వర్షాలు ఆంధ్రప్రదేశ్ లో పడతాయని విపత్తు నిర్వహణ సంస్థ తెలిపింది.విస్తృతంగా తేలికపాటి నుంచి మోస్తరు వర్షాలు కురుస్తాయని చెప్పింది. కృష్ణా జిల్లాల్లో భారీవర్షాలు కురిసే అవకాశం ఉందని పేర్కొంది. శ్రీకాకుళం, విజయనగరం, మన్యం, అల్లూరి జిల్లాల్లో మోస్తరు నుంచి భారీ వర్షాలు కురుస్తాయని తెలిపింది.
ఈ జిల్లాల్లో...
పశ్చిమగోదావరి, ఏలూరు, ఎన్టీఆర్, గుంటూరు జిల్లాల్లో మోస్తరు నుంచి భారీ వర్షాలు నమోదవుతాయని పేర్కొంది. మిగిలిన జిల్లాల్లో తేలికపాటి వర్షాలు కురుస్తాయని ఏపీ విపత్తుల నిర్వహణ సంస్థ తెలిపింది. తీరం వెంబడి 40 నుంచి 60 కిలో మీటర్ల వేగంతో ఈదురుగాలులు వీస్తాయని తెలిపింది. మత్స్యకారులు వేటకు వెళ్ళరాదని, వినాయక మండపాల నిర్వాహకులు జాగ్రత్తలు తీసుకోవాలని, ప్రజలు అప్రమత్తంగా ఉండాలని విపత్తుల నిర్వహణ సంస్థ పేర్కొంది.
Next Story