YSRCP : పదవి ఉంటేనే బయటకు వస్తారా... లేకుంటే ఇల్లు వదలరా?

శ్రీకాకుళం జిల్లాలో సీనియర్ నేతలుగా ఉన్న ధర్మాన సోదరులు ఇద్దరూ తమ నియోజకవర్గానికో, హైదరాబాద్ కో పరిమితమయి ఉంటున్నారని, స్థానిక నాయకులకు కూడా అందుబాటులో ఉండటం లేదన్న ఆరోపణలు వినిపిస్తున్నాయి. ఇద్దరు ప్రాతినిధ్యం వహిస్తున్న శ్రీకాకుళం, నర్సీపట్నం నియోజకవర్గంలో జగన్ ఆదేశాలను సయితం అమలు పర్చడం లేదన్నది వాస్తవం. బూత్ లెవెల్ కమిటీలను నియమించమని జగన్ చెప్పినప్పటికీ వారు పెద్దగా పట్టించుకోవడం లేదని సొంత పార్టీ నేతలే చెబుతున్నారు. ఇలాగయితే నాయకత్వం గ్రామ స్థాయిలో ఎలా బలోపేతం అవుతుందని వారు ప్రశ్నిస్తున్నారు. గత ఇరవై నెలల నుంచి ఇదే పరిస్థితి నెలకొని ఉందని అంటున్నారు.

స్థానిక సంస్థలు ఎప్పుడైన జరగొచ్చు. ఈ లోపు బూత్ లెవెల్ కమిటీలను నియమించకపోతే గెలుపు ఎలా సాధ్యమవుతుందన్న సందేహాలు వారు వ్యక్తం చేస్తున్నారు. జగన్ కు కూడా పలువురు ద్వితీయ శ్రేణి నేతలు ఈ మేరకు ఫిర్యాదు చేసినట్లు తెలిసింది. స్థానిక సంస్థల ఎన్నికలు సమీపిస్తున్న తరుణంలో త్వరగా శ్రీకాకుళం జిల్లాలో పార్టీని బలోపేతం చేయాలని, లేకుంటే ఇబ్బందులు తప్పవని చెబుతున్నారు. కూటమి ప్రభుత్వంపై వ్యతిరేకతతో ప్రజలు ఉన్నప్పటికీ వారి సస్యలను కూడా పట్టించుకోకకపోవడాన్ని అనేక మంది తప్పు పడుతున్నారు. పదవులుంటే తప్ప వీరు పార్టీ కోసం పనిచేయరా? అన్న భావన అందరిలోనూ కలుగుతుందని అంటున్నారు. మొత్తం మీద సిక్కోలు లో ధర్మాన సోదరుల వ్యవహారం వైసీపీలో హాట్ టాపిక్ గా మారింది.