Pawan Kalyan : పరిపాలనలో నాకు చంద్రబాబు స్ఫూర్తి

తనకు పాలన ఎలా చేయాలో స్ఫూర్తి చంద్రబాబు నాయుడు అని పవన్ కల్యాణ్ అన్నారు. ఆయన నిజాయితీగా అందించే పాలన తనకు స్ఫూర్తి నిచ్చిందన్నారు. ఏ అధికారి అయినా తప్పులు చేస్తే సహించే ప్రశ్నే లేదని తెలిపారు. తమ పేరు చెప్పి డబ్బులు వసూలు చేస్తే ఊరుకునేది లేదని హెచ్చరించారు. ఒక డీఎఫ్‌ఓపై తాను విచారణకు ఆదేశించానని పవన్ కల్యాణ్ తెలిపారు. జాతీయ ఉపాధి హామీ పథకం కింద ఏడాదికి పది వేల కోట్ల రూపాయల నిధులు విడుదలవుతాయని తెలిపారు. వాటిని సద్వినియోగం చేసుకుంటే పల్లెల్లన్నీ అభివృద్ధి చెందుతాయని తెలిపారు. రాష్ట్రంలోని అన్ని పంచాయతీల్లో 30 వేల పనులను ఈరోజు శంకుస్థాపనలు చేస్తున్నామని తెలిపారు. ఇది లంచాల ప్రభుత్వం కాదని, మంచి ప్రభుత్వమని పవన్ కల్యాణ్ అని అన్నారు. కంకిపాడు నుంచి ఉయ్యూరు వరకూ రహదారి నిర్మాణానికి నిధులు మంజూరు చేస్తామని హామీ ఇచ్చారు.