రైల్వే శాఖ కీలక నిర్ణయం.. మొంథా తుపాను ఎఫెక్ట్.. రైళ్లు రద్దు

తుపాను ఎఫెక్ట్ తో రైల్వే శాఖ చాలా రైళ్లను రద్దు చేసింది. మూడు రోజుల పాటు ఈ రైళ్లు రద్దయినట్లు రైల్వే శాఖ అధికారులు తెలిపారు. మొంథా తుపాన్‌ ఆంధ్ర తీరాన్ని తాకబోతున్న నేపథ్యంలో ఈస్ట్ కోస్ట్ రైల్వే, విజయవాడ రైల్వే డివిజన్ పరిధిలో ఎక్కువగా రైళ్లను రద్దు చేస్తున్నట్లు ప్రకటించింతి. తుపాను ప్రభావంతో ముందస్తు చర్యగా 43 రైళ్లను రద్దు చేసింది. అక్టోబర్‌ 27వ తేదీ నుంచి 29వ తేదీ వరకు ఒడిశా, ఆంధ్రప్రదేశ్‌ రాష్ట్రాల మీదుగా నడిచే ఈ రైళ్లు రద్దు చేస్తున్నట్టు అధికారులు తెలిపారు. ప్రయాణికుల ఇబ్బందులు నివారించడమే కాక, రైళ్ల కార్యకలాపాలు సజావుగా సాగేందుకు ఈ నిర్ణయం తీసుకున్నట్లు రైల్వేశాఖ అధికారులు తెలిపారు. ప్రయాణికుల భద్రత కోసం ముందస్తు చర్యలు తీసుకున్నట్లు తెలిపింది.