Tirumala : తిరుమలలో శుక్రవారం రద్దీ ఎలా ఉందో తెలిస్తే?

తిరుమల తిరుపతి దేవస్థానంలో నిత్యం ఎప్పుడూ రద్దీ ఎక్కువగానే ఉంటుంది. కానీ మార్చి, ఏప్రిల్ నెలలో కొంత తగ్గుతుంది. పరీక్షల సీజన్ కావడంతో పాటు ఎండల తీవ్రత ఎక్కువగా ఉంటుందని భక్తులు అధిక సంఖ్యలో వచ్చే అవకాశం లేదని చెబుతున్నారు. అయితే హుండీ ఆదాయం మాత్రం భక్తుల సంఖ్య తగ్గినా ఏ మాత్రం తగ్గకుండా రావడం అధికారులను ఆశ్చర్యపరిచేలా చేస్తుంది. రద్దీ ఎక్కువగా ఉన్నప్పుడు హుండీ ఆదాయం పెద్దగా రాదని, అదీ తక్కువగా ఉన్నప్పుడు ఎక్కువ ఆదాయం వస్తుందని చెబుతున్నారు.

ఈరోజు తిరుమలలోని వైకుంఠం క్యూ కాంప్లెక్స్ లోని ఎనిమిది కంపార్ట్ మెంట్లలోనే భక్తులు శ్రీవారి దర్శనం కోసం వేచి చూస్తున్నారు ఉచిత దర్శనం క్యూ లైన్ లో టోకెన్లు లేకుండా ప్రవేశించిన భక్తులకు శ్రీవారి దర్శనం ఎనిమిది గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. టైమ్ స్లాట్ దర్శనం భక్తులకు మూడు గంటల సమయం పడుతుంది. మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు శ్రీవారి దర్శనం రెండు నుంచి మూడు గంటల సమయం పడుుతుంది. నిన్న తిరుమల శ్రీవారిని 58,627 మంది భక్తులు దర్శించుకున్నారు. వీరిలో 15,468 మంది భక్తులు తమ తలనీలాలను సమర్పించి మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 3.72 కోట్ల రూపాయలు వచ్చిందని అధికారులు వెల్లడించారు.