Tirumala : తిరుమలలో మళ్లీ రద్దీ పెరిగింది.. దర్శన సమయం ఎంతంటే?

తిరుమలకు వచ్చే భక్తులకు గతంలో మాదిరిగా నేరుగా సర్వదర్శనం క్యూ లైన్ లోకి వెళ్లే అవసరం లేకుండా తిరుపతిలోనే ఎస్.ఎస్.డి. టోకెన్లు జారీ చేస్తున్నారు. ఈ టోకెన్లు తీసుకున్న భక్తులు తక్కువ సమయంలో స్వామి వారిని దర్శించుకునే వీలుంటడటంతో ఎక్కువ మంది భక్తులు ఎస్.ఎస్.డి. టోకెన్ల కోసం తిరుపతి వచ్చి వాటిని తీసుకుని తిరుమలకు చేరుకుంటున్నారు. భక్తులు కాలినడకన వచ్చే వారి సంఖ్య కూడా పెరిగింది. మూడు వందల రూపాయల ప్రత్యేక దర్శనం టిక్కెట్లను కొనుగోలు చేసిన భక్తులు కూడా వస్తున్నారని తిరుమల తిరుపతి దేవస్థానం అధికారులు తెలిపారు.

ఈరోజు తిరుమలలోని వైకుంఠం క్యూ కాంప్లెక్స్ లోని పథ్నాలుగు కంపార్ట్ మెంట్లలో భక్తులు శ్రీవారి దర్శనం కోసం వేచి ఉన్నారు. సర్వదర్శనం క్యూ లైన్ లోకి టోకెన్లు లేకుండా ప్రవేశించిన భక్తులకు శ్రీవారి దర్శనం పన్నెండు గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. టైమ్ స్లాట్ దర్శనం భక్తులకు ఐదు గంటలకు పైగానే సమయం పడుతుంది. మూడు వందల రూపాయల ప్రత్యేక దర్శనం టిక్కెట్లను కొనుగోలు చేసిన భక్తులకు శ్రీవారి దర్శనం రెండు నుంచి మూడు గంటల సమయం పడుతుంది. నిన్న తిరుమల శ్రీవారిని 63,539 మంది భక్తులు దర్శించుకున్నారు. వీరిలో 23,144 మంది భక్తులు తమ తలనీలాలను సమర్పించుకున్నారు. నిన్న తిరుమల శ్రీవారి హుండీ ఆదాయం 3.76 కోట్ల రూపాయలు వచ్చిందని అధికారులు తెలిపారు.