Tirumala : తిరుమల నేడు వెళ్లే వారికి గుడ్ న్యూస్.. సులవుగా దర్శనం

నేడు తిరుమలలో ఆన్ లైన్ దర్శన టిక్కెట్లను తిరుమల తిరుపతి దేవస్థానం అధికారులు విడుదల చేయనున్నారు. ఆర్జిత సేవా టిక్కెట్లను నేటి ఉదయం పది గంటలకు ఆన్ లైన్ లో విడుదల చేయనుంది. మధ్యాహ్నం మూడు గంటలకు వర్చువల్ సేవా టిక్కెట్లను కూడా తిరుమల తిరుపతి దేవస్థానం అధికారులు విడుదల చేయనున్నారు. జులై నెలకు సంబంధించిన టిక్కెట్లు నేడు విడుదల కానుండటంతో హాట్ కేకుల్లా అమ్ముడు పోతాయి. జులై నెలకు సంబంధించి ఇప్పటికే కొన్ని సేవా టిక్కెట్లను టీటీడీ విడుదల చేసింది.

ఈరోజు తిరుమలలోని వైకుంఠం క్యూ కాంప్లెక్స్ లోని ఒక కంపార్ట్ మెంట్ లోనే భక్తులు శ్రీవారి దర్శనం కోసం వేచి ఉన్నారు. ఉచిత దర్శనం క్యూ లైన్ లోకి ఉదయం ఏడున్నర గంటలకు టోకెన్లు లేకుండా ప్రవేశించిన భక్తులకు శ్రీవారి దర్శనం ఎనిమిది గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. టైమ్ స్లాట్ దర్శనం భక్తులకు మూడు గంటల సమయం పడుతుంది. మూడు వందల రూపాయల ప్రత్యేక దర్శనం టిక్కెట్లను కొనుగోలు చేసిన భక్తులకు శ్రీవారి దర్శనం రెండు నుంచి మూడు గంటల సమయం పడుతుంది. నిన్న తిరుమల శ్రీవారిని 72,937 భక్తులు దర్శించుకున్నారు. వీరిలో 24,157 మంది తమ తలనీలాలను సమర్పించి మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 4.79 కోట్ల రూపాయలు వచ్చింది.