Ys Sharmila : సాయిరెడ్డి రాజీనామా అందుకేనట.. షర్మిల ఏమన్నారంటే?

వైసిపి కార్యకర్తలు, వైఎస్ అభిమానులు ఆలోచన చేయాలని షర్మిల కోరారు. జగన్ ను విజయసాయి రెడ్డి వదిలేశారు అంటే ఎందుకు ? సన్నిహితులు ఒక్కొక్కరుగా ఎందుకు వెళ్తున్నారు ? ప్రాణం పెట్టిన వాళ్ళు ఎందుకు జగన్ ను వీడుతున్నారు ? జగన్ నాయకుడుగా విశ్వసనీయత కోల్పోయారని షర్మిల విమర్శలు చేశారు. నాయకుడుగా ప్రజలను, నమ్ముకున్న వాళ్ళను జగన్ మోసం చేశారన్న వైఎస్ షర్మిల నా అనుకున్న వాళ్ళను కాపాడుకోలేక పోతున్నాడంటూ ధ్వజమెత్తారు. జగన్ బీజేపీ కి దత్త పుత్రుడని, తనను తాను కాపాడుకోవడానికి సాయి రెడ్డిని బీజేపీ కి పంపాడంటూ సంచలన వ్యాఖ్యలు చేశారు.