నగరిలో సీఎం జగన్

ఆంధ్రప్రదేశ్ ముఖ్యమంత్రి వైఎస్ జగన్ మోహన్ రెడ్డి.. మంత్రి రోజా నియోజకవర్గమైన నగరికి వెళ్లనున్నారు. జగనన్న విద్యాదీవెన పథకంలో భాగంగా విద్యార్థులకు డబ్బులు విడుదలజేయనున్నారు. ఏప్రిల్‌ నుంచి జూన్‌ 2023 త్రైమాసికానికి సంబంధించి 9,32,235 మంది విద్యార్థులకు లబ్ది చేకూర్చబోతున్నారు. వారి ఫీజును పూర్తిగా రీయింబర్స్‌మెంట్‌ చేస్తారు. ఇందుకోసం బటన్‌ నొక్కి రూ.680.44 కోట్లను 8,44,336 మంది విద్యార్థుల తల్లుల బ్యాంక్ అకౌంట్లలో డిపాజిట్ చేస్తారు. పేద విద్యార్థులకు ఉన్నత విద్యను అందించే లక్ష్యంతో పాలిటెక్నిక్, డిగ్రీ, ఇంజనీరింగ్, మెడిసిన్‌ కోర్సులు , ఐటీఐ వంటి సంస్థల్లో చదువుకోవడానికి లబ్దిదారులకు డబ్బును ఇస్తోంది ప్రభుత్వం.