మీరు లేకపోతే నేను లేను...ఉద్యోగులతో జగన్

ఇదే కాకుండా ప్రతి ఏడాది ఎనిమిది వందల కోట్లు, అడిషనల్ క్వాంటమ్ ఆఫ్ పెన్షన్ వల్ల నాలుగు వందల కోట్లు ఏటా అదనంగా భారం పడుతుందని జగన్ తెలిపారు. అయినా ఉద్యోగులు సంతృప్తిగా ఉండటానికే ఆర్థికంగా ఇబ్బందులు ఉన్నప్పటికీ 5,700 కోట్ల భారాన్ని భరించామన్నారు. తాము ఎంత మేర సాయం చేయగలుగుతామో అన్నీ చేశామని చెప్పారు. ఏదైనా సమస్య ఉంటే కమిటీ ఉందని, వారితో ఉద్యోగ సంఘాలు చర్చించవచ్చని చెప్పారు. మంత్రుల కమిటీ కొనసాగుతుందని జగన్ చెప్పారు. ఎవరికీ అన్యాయం చేయాలని ఈ ప్రభుత్వం ఉండదని జగన్ చెప్పారు. 30 వేల మంది టీచర్లకు పదోన్నతి కల్పిస్తున్నట్లు జగన్ తెలిపారు.

పదవీ విరమణ వయసు 62 ఏళ్లకు పెంచామని చెప్పారు. ఉద్యోగులు లేకపోతే తాను లేనని చెప్పారు. రాజకీయాలను ఇందులోకి లాగవద్దని చెప్పారు. అందరం కలసి కట్టుగా పనిచేసి అభివృద్ధి ఫలాలను అందరికీ అందిద్దామని చెప్పారు. ఎవరూ చేయనిది జగన్ చేశాడు అని అనుకోవాలంటే సీపీఎస్ విధానాన్ని రద్దు చేయడమేనని, దానిపై పూర్తి స్థాయిలో కసరత్తు చేస్తామని చెప్పారు. అందరినీ భాగస్వామ్యులను చేసి దానిపై అభిప్రాయాలను తీసుకుంటామని చెప్పారు. కాంట్రాక్టు ఉద్యోగుల పట్ల సానుకూలంగా స్పందిస్తామని చెప్పారు. ఇది ఉద్యోగుల ప్రభుత్వమని జగన్ చెప్పారు.