Ys Jagan : అందుకే ఈ పథకాన్ని తీసుకొచ్చాం

మొత్తం 418 కోట్ల రూపాయల నగదును జగన్ లబ్దిదారుల ఖాతాల్లో జమ చేశారు. ఈ పథకం కింద ఎనిమిదో విడతలో 3.95 లక్షల మంది లబ్దిదారులు ప్రయోజనం పొందారని ముఖ్యమంత్రి జగన్ తెలిపారు. దీంతో పాటు వడ్డీ రీఎంబర్స్‌మెంట్ నిధులను కూడా జగన్ జమ చేశారు. 5.81 లక్షల మంది లబ్దిదారులకు 13.64 కోట్లను వారి బ్యాంకు ఖాతాల్లో బటన్ నొక్కి జమ చేశారు. ఇప్పటి వరకూ ఎనిమిది విడతలుగా ఈ కార్యక్రమాన్ని నిర్వహిస్తున్నామని, సక్రమంగా రుణాలు చెల్లించిన వారికి అదనంగా ఏడాదికి వెయ్యి రూపాయలు పెంచి పదమూడు వేల రూపాయలు ఇస్తున్నామని తెలిపారు. వ్యాపారులు తమ ఆదాయాన్ని పెంచుకుని, తద్వారా కుటుంబాన్ని అభివృద్ధి చేసుకోవాలని ఆకాంక్షించారు.