టీచర్లను కూడా రెచ్చగొడితే ఎలా?

పేదలకు మంచి చదవులు అందించాలన్నదే ప్రభుత్వ లక్ష్యమని అన్నారు. విద్యార్థులకు మెరుగైన విద్యతో పాటు పౌష్టికాహారాన్ని అందించాలన్న లక్ష్యంతోనే ప్రభుత్వం కొనసాగుతుందని తెలిపారు. అందుకే పౌష్టికాహారం మెనూలో మార్పులు చేశామని చెప్పారు. ఉపాధ్యాయులు కూడా తమ పిల్లల్ని ప్రభుత్వ స్కూళ్లలో చేర్పించేలా చర్యలు తీసుకుంటామని తెలిపారు. కార్పొరేట్ స్కూళ్లకంటే ప్రభుత్వ స్కూళ్లలో మెరుగైన వసతులు కల్పిస్తున్నామని చెప్పారు. ఈ సందర్భంగా కొందరు ఉత్తమ ఉపాధ్యాయులను జగన్ సత్కరించారు. తాను విద్యాశాఖ మీద చేసిన రివ్యూలు ఏ శాఖ మీద చేయలేదన్నారు. ప్రభుత్వం తీసుకువచ్చే మార్పులు ఉపాధ్యాయులను ఇబ్బంది పెట్టేవి కావని తెలిపారు. ఉపాధ్యాయులకు పదోన్నతులు కల్పించామని తెలిపారు. అన్ని విధాలుగా ప్రభుత్వం వారికి అండగా ఉంటుందని చెప్పారు.